Դ ՈՒ Լ Ա – Ո՞վ է նա:

Դուլաները շուրջծննդյան աջակիցներ են։ Հունարենից «DOULA» նշանակում է «սպասավոր» կամ «աղախին»:
Դուլայի գործառույթը եռակողմ է և տրամադրում է, գիտահեն/ տեղեկատվական, հուզահան և ֆիզիհական աջակցություն։
Կարևոր է իմանալ, որ դուլան բժիշկ չէ։ Դուլան ՉԻ՛ ախտորոշում, ՉԻ՛ կատարում բժշկական միջամտություններ և ՉԻ՛ խոչնդոտում բժշկական անձնակազմի գործողությունները։

 Ինչպե՞ս է դուլան օգնում ծննդկանին՝
️Դուլան սկսում է աշխատել հղիի հետ դեռ հղիության փուլից, օգնում է հաղթահարել վախերը, ծանոթանալ գիտահեն աղբյուրներին և ստանալ հուզող հարցերի պատաասխանները։
Ծննդաբերության ժամանակ դուլան անընդմեջ ներկա է գտնվում ծննդաբերող կնոջ կողքին տրամադրելով նրան շարունակական հուզական, ֆիզիկական աջակցություն։
Տեղեկացնում է, թե ինչ է կատարվում իր հետ այս կամ այն փուլում։
Մերսումներ է կատարում, օգնում է փոխել դիրքը, քայլել, շարժվել, ցնցուղ ընդունել, շնչել և այլ։
ԱՀԿ -ն մշակել է Ապահով Ծննդաբերության Ստուգաթերթ և ընտանիքի անդամի /դուլայի աջակցությունը ևս ներառված է այդ ստուգաթերթում: ԱՀԿ -ի անվտանգ ծննդաբերության ստուգաթերթը 4 էջանոց փաստաթուղթ է։
European Doula Network (EDN) անդամները, համաձայնում են դուլայի դերի և էթիկական հետևյալ սահմանմանը.

• Դուլան հուզական և գործնական աջակցություն է ցուցաբերում ծնողներին և ընտանիքներին:
• Դուլան չի կատարում բժշկական մանիպուլյացիաներ, ախտորոշումներ և չի տալիս խորհուրդներ:
• Դուլան ընդունում է տեղեկացված ընտրությունը և տեղեկացված համաձայնությունը առանց ազդելու ծնողների կայացրած որոշումների վրա:
• Դուլան անկեղծ և բաց է իր հմտությունները, փորձը և մասնագիտական սահմանները հաղորդելու հարցում:
• Դուլան հարգում է իր հաճախորդների գաղտնիությունը և ստացված բոլոր տեղեկություններին վերաբերվում է որպես գաղտնի:
• Դուլան հարգանքով և քաղաքավարությամբ է շփվում ծնողների, ընտանիքների և բոլոր մյուս մասնագետների հետ:
• Դուլան շարունակաբար ինքնակրթվում է և վերապատրաստվում է մասնագիտորեն:
• Դուլան ներդրում է ունենում իր շրջապատող մարդկանց կյանքում։