Դոկտոր Միշել Օդեն

Maternal Care Pioneer
Obstetrician
Childbirth Specialist

Մեր Հիմնադրի Ուղերձը

Յուրաքանչյուր ազգ պետք է առաջնահերթություն տա մայրերի ու բալիկների առողջությանը, քանի որ դրանով է պայմանավորված սերունդների ապագան։ Ծննդաբերությունն ու նորածնային խնամքը պետք է լինեն ապահով, գիտահեն և հարգալից:

Հայաստանն արդեն իսկ քիչ բնակչություն և վտանգված սահմաններ ունեցող երկիր է, որը պահանջում է կայուն վերարտադրություն։ Առանց բնակչության բավարար քանակի, անվտանգային յուրաքանչյուր այլ ոլորտ դատապարտված է ձախողման։

Մեր երկրում ծննդաբերական փորձառությունը լի է մարտահրավերներով, խոչընդոտներով և վախերով, որը հանգեցրել է չափազանց ցածր ծնելիության մակարդակի։

Ըստ ՄԱԿ-ի բնակչության հիմնադրամի տվյալների, Հայաստանն ունի տարածաշրջանում ամենացածր ծնելիության մակարդակը, որն անկում է ապրել՝ 4,9-ից իջնելով 1,6 անկայուն աճի ցուցանիշին։ Չնայած այս ցուցանիշը հետևանք է մի շարք սոցիալ-տնտեսական և քաղաքական գործոնների, այնուամենայնիվ՝ մայրական խնամքի մարտահրավերները հսկայական դեր են խաղում այս հարցում։ Այս մարտահրավերներից հիմնականը՝ կեսարյան հատումներն են։ Դրանց ցուցանիշները թռիչքային աճ են գրանցել վերջին տասնամյակներին՝ 1990-ականների 3,4%-ից 2010թ․ հասնելով 18,9%-ի, իսկ 2021թ․ մինչև 37,5%, որն ավելի քան կրկնակի անգամ գերազանցում է ԱՀԿ-ի (Առողջապահության համաշխարհային կազմակերպություն) կողմից նշված թույլատրելի չափը։

Երևանյան որոշ հիվանդանոցներ արձանագրել են նույնիսկ մինչև 51% կեսարյան հատումների ցուցանիշ։ ։ Մինչ որոշ իրավիճակներում կեսարյան հատումները կարող են կյանքեր փրկել, դրանք կարող են նաև բերել վատ հետևանքների, ինչպիսիք են օրինակ՝ մայրական մահացությունների աճը, արյունահոսությունների վտանգը, կրծքով կերակրման խանգարումները, հետագա հղիությունների ժամանակ մեռելածնության ցուցանիշների աճը և անպտղության բարձր ցուցանիշը։ Բայց հույս կա։

Միշել Օդեն Մայր Կենտրոնը (ՄՕՄ) իր տեսակի մեջ առաջին ազգային նախաձեռնությունն է, որը հիմնադրվել է Հայաստանի և սփյուռքի կանանց առողջության և ծննդօգնության ոլորտի մասնագետներից կազմված բազմամասնագիտական թիմի համագործակցության արդյունքում։ Կենտրոնն անվանակոչվել է ֆրանսիացի հեղափոխական մանկաբարձ Միշել Օդենի անունով, ով աշխարհի մայրերի ու երեխաների առողջության համար անթիվ ներդրումների միջոցով՝ հսկայական ազդեցություն է ունեցել բժշկական համակարգերի վրա։

Մեր նպատակն է ապահովել բազմակողմանի, գիտահեն խնամք կանանց համար՝ հղիության ամբողջ ընթացքում և հետծննդաբերական շրջանում։

— Աստղիկ Վարդանյան և ՄՕՄ կենտրոնի թիմ

Գործադիր խորհրդի անդամներ

Մեր մանկաբարձ-գինեկոլոգները

Մեր կրծքով կերակրման մասնագետները

Մեր պրենատալ հոգեբանները

Մեր դուլաները

Մեր ուսանողական մարմինը

Բովանդակության հետևում